მაფინები - გემრიელი, ჯანმრთელი და მარტივი მოსამზადებელი

როდესაც დუსელდორფში ვცხოვრობდი,  გავიცანი წყვილი, ბერძენი ანასტასია და გერმანელი ლარსი. მათი  რომანტიული სიყვარულის ისტორია ერთი 7 წლის წინ საბერძნეთში დაიწყო, როდესაც ლარსი დასასვნებლად იყო ჩასული, ერთი წლის  მიმოწერის შემდეგ, მათ გადაწყვიტეს ერთად ცხოვრება და ანასტასიაც გერმანიაში გადავიდა მასთან საცხოვებლად.  მათ ხელი დღემდე არ აქვთ  მოწერილი (თუმცა ამას რა მნიშვნელობა აქვს), მთავარია რომ დღემდე ბედნიერად ცხოვრებონ. ხანდახან ხუმრობით ვამბობ ხოლმე, რომ ანასტასიამ ლარსი თავისი "ოქროს ხელით" მოაჯადოვა, ყოველდღე ნაირ-ნაირ საჭმელებს უკეთებს, დაწყებული გერმანული და დამთავრებული აზიური კერძით.

სწორედ ანასტასიასგან მაქვს სამასოვროდ წიგნი, რომელშიც 100-მდე დასახელების მაფინის რეცეპტია მოცემული.  ამ წიგნის მიხედვით, ძალიან მარტივად და სწრაფად ვაცხობ ხოლმე, სულ რაღაც 10-15 წუთი უნდა მომზადებას და 30 წუთი გამოცხობას.

დღეს მინდა შემოგთვაზოთ შოკოლადისა      და ფორთოხლის მაფინის რეცეპტი

საჭირო ინგრედიენტები:1 1/2 ჩაის ჭიქა ფქვილი,1 სკ გამაფხვიერებელი (Backpulver),60 მლ ზეთი, 2/3 ჩაის ჭიქა შაქარი,1 კვერცხი,1 ვანილი,3 ფორთოხალი,1/2 სკ მარილი,ფორთოხლის კანი,75 გრ შოკოლადი

მომზადება:

კვერცხი და შაქარი მიქსერით კარგად ათქვიფეთ. დაამატეთ ზეთი და ჩაახეხეთ ფორთოხლის კანი. შემდეგ ბლენდერში ათქვეფილი ფორთოხლები დაამატეთ. ფქვილში აურიეთ გამაფხვიერებელი, ვანილი და მარილი და ყველაფერი ერთად აურიეთ. ბოლოს შოკოლადის პატარ-პატარა ნატეხები დაამატეთ. ჩაასხით ცხიმწასმულ მაფინების ფორმაში და 30-35 წუთი გამოაცხვეთ 180 გრადუსზე.